Ինչու պետք չէ օրը սկսել մեկ գավաթ սուրճով. 1in.am

Առավոտը մեկ բաժակ սուրճով սկսելը դարձել է բազմաթիվ անձանց կյանքի անքակտելի մասը: Ընդունված է համարել, որ, խմելով տաք սուրճ, մենք ամբողջ օրը գործարկում ենք մեր օրգանիզմը: Սակայն իրականում դա հանգեցնում է օրգանիզմի արտադրողականության պակասին՝ փոխանցում է Gogetnews.info-ն:

Մարդն աստիճանաբար հակվում է կոֆեինին, և ամեն անգամ անհրաժեշտ արդյունք ստանալու համար պահանջվում է ավելի ու ավելի մեծ չափաբաժին, ինչպես թմրանյութերի դեպքում է:

Գիտական հետազոտությունները ցույց են տվել, որ օրվա ընթացքում կան ժամանակահատվածներ, երբ նպատակահարմար չէ սուրճ խմել: Դա առաջին հերթին վերաբերում է առավոտյան ժամերին:

Մեր օրգանիզմն արտադրում է «կորտիզոլ» հորմոն, որն ավելի հայտնի է որպես «սթրեսի հորմոն»: Դա կապված է այն բանի հետ, որ կորտիզոլն արտադրվում է հենց սթրեսի կամ վախի ժամանակ:

Սակայն այդ հորմոնը նաև օրգանիզմի ամենօրյա հորմոնալ ցիկլի՝ կյանքի առօրյա ռիթմի հիմնական հորմոնն է: Մեր օրգանիզմը հորմոններ է արտադրում, և մենք զգում ենք ավելի ուրախ: Առավոտյան ժամերին կորտիզոլի մակարդակը հասնում է առավելագույն կետին:

Առավոտյան սուրճ խմելը հարուցում է երկու խնդիր: Առաջինն այն է, որ կոֆեինն ազդում է կորտիզոլի արտադրման վրա, օրգանիզմը սկսում է արտադրել ավելի քիչ հորմոն՝ հենվելով կոֆեինի վրա:

Երկրորդ խնդիրն այն է, որ կորտիզոլի արտադրման գագաթնակետի ժամանակ սուրճ օգտագործելը հանգեցնում է կոֆեինին մշտապես սովորելուն, ինչի համար էլ չափազանց շատ սուրճ օգտագործողները պնդում են, որ այն չի ազդում իրենց վրա:

Կորտիզոլի մակարդակը բարձրանում է օրական երեք անգամ՝ վաղ առավոտյան, կեսօրին ու երեկոյան: Ընդհանուր առմամբ, սուրճ խմելու համար ամենահարմար ժամանակը ժամը 10:00-12:00-ը և 14:00-19:00-ն է:

Հարցեր, պատասխաններ, մեկնաբանություններ